काठमाडौं । राजनीतिक उचारचढावका बीच शुक्रबार एक खबर सार्वजनिक भयो, जसअनुसार प्रदेश १ का मुख्यमन्त्री शेरधन राईले विवाह गर्ने निश्चित भएको छ । सामाजिक संजालमा गसिपका लागि यो खबर राम्रो मसला भएको छ । ५० वर्षीय राईले माघ ११ मा काठमाडौंमा विवाह गर्ने भएका छन् । तर, उनी कोसँग बिवाह बन्धनमा बाँधिने छन्, त्यो भने सार्वजनिक भइसकेको छैन । मूख्यमन्त्री राईले सरप्राइज दिने बताएका छन् । मूख्यमन्त्रीको विवाह काठमाडौंमा हुने भएको छ । भोज भने विराटनगरमा हुनेछ । प्रदेशको नाम र स्थायी राजधानीको टुंगो लगाएर मात्रै बिहे गर्ने बाचा गरेका मूख्यमन्त्री राईले यो बाचा भने पुरा गर्न सकेनन् । नेकपा विभाजन भएसँगै उनीविरुद्ध अविश्वासको प्रस्ताव दर्ता भएको छ । अविश्वासको प्रस्तावमाथि ७ माघबाट चल्ने प्रदेश १ को हिउँदे अधिवेशनमा छलफल शुरु हुनेछ ।