फिचर

राज्यमन्त्री खोसिएका व्यापारी दुगडलाई प्रधानमन्त्रीको उपहार, बने विशेष सल्लाहकार

काठमाडौं । प्रधानमन्त्री केपी शर्मा ओलीले उद्योगी, व्यवसायी तथा पूर्व राज्यमन्त्री मोतीलाल दुगडलाई आफ्नो विशेष आर्थिक सल्लाहकारमा नियुक्त गरेका छन् । उनी अब मन्त्रीसरहको नियुक्ति भएका हुन् । यसअघि पूर्वअर्थमन्त्री डा. युवराज खतिवडा यस पदमा थिए ।

खतिवडालाई सरकारले अमेरिकाका लागि नेपाली राजदूतमा नियुक्ति दिएपछि रिक्त रहेको पदमा दुगडलाई लिइएको हो । संसद विघटनपछि भएको मन्त्रिपरिषद् हेरफेरका क्रममा प्रधानमन्त्रीले उनको राज्यमन्त्री पख खोसेका थिए ।

तर, खोसेभन्दा पनि राम्रो स्थान दिएर प्रधानमन्त्रीले उद्योगी नेतालाई उपहार प्रदान गरेका छन् । दुगड उद्योग वाणिज्य तथा आपूर्ति राज्यमन्त्री रहेका थिए ।

प्रधानमन्त्रीले व्यापारी मोहका रुपमा उनको काखी च्याप्नुका पछाडी आफैले घोषणा गरेको निर्वाचनमा खर्चको जोहो थाल्न व्यापारी रिजाउने उपायका रुपमा समेत हेरिएको छ । विराटनगरमा जन्मेका दुगड सन् १९८४ देखि उद्योग व्यवसायमा सक्रिय छन् ।