विश्व

अफगानिस्तानमा सर्वोच्च अदालतका दुई महिला न्यायाधिशमाथि गोली हानियो

काबुल । अफगानिस्तानको राजधानी काबुलमा सर्वोच्च अदालतका दुई महिला न्यायाधीशमाथि गोली प्रहार भएको छ । उनीहरुको गोली हानी हत्या भएको पुष्टी सरकारी अधिकारीले गरेका छन् ।

दुई महिला न्यायाधीश कार्यालय जाने क्रममा यात्रा गरिरहेका बेला बन्दुकधारीको आक्रमणमा परेको अदालतका प्रवक्तालाई उदृत गर्दै समाचार संस्था एएफपीले जानकारी गराएको छ ।

सञ्चारकर्मी, अधिकारवादी, राजनीतिक व्यक्तित्वलगायतलाई लक्षित गरि पछिल्लो केही महिनायता अफगानिस्तानमा आक्रमण भइरहेका छन् ।

अमेरिकी राष्ट्रपति डोनाल्ड ट्रम्पले अफगानिस्तानबाट आफ्ना सेनाको सङ्ख्या घटाइरहेका बेला यो मुलुक भित्र भने आक्रमणका घटना बढिरहेको बताइएको छ । अमेरिकी सेना घट्दा यसले जोखिम अझ बढाउन सक्ने चिन्ता अधिकारीहरुको रहेको छ ।