विश्व

भारतमा फुटपाथमा सुतेका मजदुरमाथि ट्रक, कम्तिमा १५ को मृत्यु

photo : ANI news

गुजरात । भारतको गुजरातमा फुटपाथमा सुतेका मजुदरमाथि ट्रक कुदेर भएको विभत्स दुर्घटनामा कम्तिमा १५ जनाको मृत्यु भएको छ। भारतीय सञ्चारमाध्यमहरूका अनुसार सुरत भन्नै स्थान नजिकै कोसाम्बा क्षेत्रको फुटपाथमा सुतेका मजदुरमाथि ट्रक कुदेको हो । ट्रकले उखु बोकेको थियो ।

सडकमा ट्याक्ट्ररसँग ठोक्किएको ट्रक फुटपाथमा उछिट्टीएको थियो । चालकले नियन्त्रण गुमाएकाले दुर्घटना भएको संचारमाध्यमले लेखेका छन् । राजस्थानको बान्सावारा जिल्लाका दैनिक ज्यालादारी गर्ने १८ जना मजदुर फुटपाथमा सुतेका थिए। दुर्घटनामा घाइतेहरुको उपचार जारी रहेको छ । चरम गरिबीका कारण भारतमा मजदुर सडकमै सुत्नु सामान्य मानिन्छ ।