विश्व

अमेरिकाको टेक्सासमा भयानक सडक दुर्घटना, कम्तिमा ६ को मृत्यु

As many as 100 vehicles were involved in the pileup on I-35 in Fort Worth and 30 or more people were taken to hospitals.(CNN VAN)

टेक्सास । अमेरिकाको टेक्सासमा भएको एक भयानक सडक दुर्घटनामा कम्तिमा ६ जनाको मृत्यु भएको छ । अमेरिकी संचारमाध्यमहरुका अनुसार टेक्सासको अन्तरराज्य सडकमा बिहीबार बिहान करीव एक सय गाडी एक आपसमा ठोक्किएका छन् ।

घटना बिहानको समयमा भएको हो । दुर्घटनामा कम्तिमा ६ जनाको मृत्यु पुष्टी भइसकेको र कैयौं मानिस घाइते भएको बताइएको छ । न्युयोर्क टाइम्सका अनुसार दर्जनौं मानिस सवारीभित्रै थुनिएको अवस्थामा उद्धार गरिएको हो । खासगरी हिँउ परेर लिप्लो भएको सडकमा गाडीहरु ठोक्किएको बताइएको छ ।

फोर्ट वर्थ फायर डिपार्टमेन्टका अनुसार दुर्घटनामा १८ चक्के गाडी कार धेरै छन् । दुर्घटनामा कम्तिमा ३६ जना गम्भीर घाइतेको अस्पताल उपचार जारी छ । ६५ जना भने सामान्य उपचारपछि डिस्चार्ज भएका छन् ।