विश्व

इटालीका प्रधानमन्त्रीलाई ओलीको बधाई

काठमाडौं । इटालीका प्रधानमन्त्री मारियो ड्राघीलाई प्रधानमन्त्री केपी शर्मा ओलीले बधाई तथा सफल कार्यकालको शुभकामना प्रदान गरेका छन् । उनी हालै प्रधानमन्त्री पदमा निर्वाचित भएका हुन् । प्रधानमन्त्री ओलीले मंगलबार इटालीका समकक्षीलाई शुभकामना सन्देश पठाउँदै इटालीका जनताको शान्ति र समृद्धिको कामना समेत गरेका छन्।

परराष्ट्र मन्त्रालयका अनुसार प्रधानमन्त्रीले दुई देश बीचमा लामो समयदेखि रहेको मैत्रीपूर्ण सम्बन्ध आगामी दिनमा थप बिस्तार हुने विश्वास समेत व्यक्त गरेका छन्। उनले इटालीका प्रधानमन्त्रीसँग नजिक रहेर आगामी दिनमा उत्पादनमूलक क्षेत्रहरु जस्तै व्यापार र लगानीका क्षेत्रमा काम गर्ने र जनस्तरको सम्बन्धलाई थप सुदृढ गर्ने समेत उल्लेख गरेका छन् ।