काठमाडौं । अमेरिकी अन्तरीक्ष एजेन्सी (नासा)को अन्तरिक्ष यान मंगल ग्रहमा सफल अवतरण गरेको छ । बिबिसीका अनुसार यो यानलाई सात महिनाअघि जमिनबाट पठाइएको थियो । आधा अर्ब किलोमिटर पार गर्दै यान शुक्रबार बिहान मंगल ग्रहमा सफल अवतरण गरेको छ ।

मंगल ग्रहमा अवतरण गरेसँगै यानबाट एक तस्वीर प्राप्त भएको छ । यो यानलाई ‘पिर्जाभियरेन्स मार्स रोभर’ नाम दिइएको छ । यो सफलतालाई वैज्ञानिकहरुले ठूलो उपलब्धीका रुपमा लिएका छन् ।

मंगलग्रहमा यानको सफल अवतरण नै ठूलो उपलब्धी भएको उनीहरुको भनाई छ । उनीहरु मान्छन्, यो निकै चूनौतिपूर्ण काम हो । सन् १९७० पछि नासाको यो पहिलो मिसन हो, जसले मंगल ग्रहमा जीवनको संकेत खोजी गर्ने छ ।

यो मिसनलाई नासाको सबैभन्दा महात्वाकांक्षी योजनाको रुपमा समेत लिइएको छ । यानले मंगल ग्रहमा सुकिसकेको एक खण्डहर पोखरी र अर्बौं वर्ष पहिले माइक्रो–अर्गानिज्मको कुनै पनि चिह्न वा गतिविधिको पनि अनुसन्धान गर्ने भएको छ ।