समाचार

काठमाडौं – इन्टर लायन्स म्याराथन प्रतियोगिता सम्पन्न अमृता र प्रथमले हात पारे अवार्ड

काठमाडौं/लायन्स क्लब इन्टरनेशनल डिष्ट्रिक ३२५ ए १ को आयोजनामा प्रथम इन्टर लायन्स म्याराथन प्रतियोगिता सम्पन्न भएको छ।लायन्स क्लब अफ काठमाडौं सिम्रीकको मुल संयोजनमा ४५ वटा क्लबहरु बिच प्रतिस्पर्धा गरिएको म्याराथन प्रतियोगिता गोकर्णेश्वर नगरपालिका जगडोल स्थित राष्ट्रिय शहिद पार्कबाट शनिबार सम्पन्न भएको हो ।कार्यक्रममा पुरुष र महिला गरी एक सय तिस प्रतियोगीहरूले भाग लिएका थिए ।
कार्यक्रममा डिस्ट्रिक गभर्नर लायन टंक बहादुर श्रेष्ठ, पुर्व डिस्ट्रिक गभर्नर एंव हालका मल्टिपल डिस्ट्रिक जी एस टि कोर्डिनेटर लायन अन्नत प्रसाद भेटुवाल,सेकेन्ड भाइस डिस्ट्रिक गभर्नर लायन कर्म गुरुङ, पुर्व डिस्ट्रिक गभर्नर एंव हालका मल्टिपल हंगर रिलिफ चिफ लायन कुमारराज सुवेदी,क्याबिनेट सेक्रेटरी लायन बिमल कुमार श्रेष्ठ, क्याबिनेट ट्रेजरर लायन श्याम कुमार यादब,जी एम टि लायन धर्म शरण श्रेष्ठ,डिस्ट्रिक चियर पर्सन लायन ठण्डराज ठकुरी, लायन श्रीचन केसी लगायत बिभिन्न क्लबका लायन्स लिडर तथा लियो पदाधिकारीहरु उपस्थिति रहेको थियो ।

म्याराथन प्रतियोगितामा महिलातर्फ लायन्स क्लब अफ काठमाडौं जर्निको लायन अमृता केसीले प्रथम स्थान हासिल गरेकी थिइन् भने पुरुषतर्फ लायन्स क्लब अफ काठमाडौं मोडलबाट लायन प्रथम भट्टराईले प्रथम स्थान हासिल गरेका थिए।कार्यक्रममा टप १० भित्र पर्ने विजयी प्रतियोगीहरूलाई लायन्स लिडरहरूले ट्रफि,मेडल र प्रमाणपत्र प्रदान गरेका थिए।त्यस्तै सहभागी क्लबका सदस्यहरुलाई खाना र टिर्सटको समेत व्यवस्था गरिएको आयोजकले जानकारी दिएको छ ।

प्रतियोगितालाई छ ब्रदर,मनास्लु वल्र्ड कलेज,कान्ति भैरव सेभिङ एण्ड कोअपरेटिभ,सीजी फूड्स संकटा वाइन एण्ड वेभरेज प्राली,कान्ति भैरव सप्लायर्स,ओम गृह निमार्ण तथा मामाघर होम स्टे लगायतले सौजन्य गरेका थिए।त्यस्तै कार्यक्रमको व्यवस्थापन सिम्रीक लियो क्लब, गोकर्णेश्वर लियो क्लब र गोकर्णेश्वर ओप्पन स्कट क्रुले गरेका थिए ।

विश्वमै सामाजिक सेवामा अग्र स्थान लायन्स क्लब लिएको छ।प्रतियोगिताको मुख्य उदेश्य बूढानिलकण्ठ झोरस्थित अनाथालय ‘चिल्ड्रन एण्ड युथ मोभिलाइजेन्स एकेडेमी’को पुस्तकालय व्यवस्थापनका लागि आर्थिक सहयोग जुटाउन कार्यक्रम गरिएको डिष्ट्रिक ३२५ ए १ ले जानकारी दिएको छ।