समाचार

अस्ट्रेलियन सुन्दरी मोडेल म्यानटिन अभिनित 'सुस्तरी' सार्वजनिक (भिडियोसहित)

मेलबर्न । अस्ट्रेलियाकी चर्चित मोडेल भिक्टोरिया म्यानटिन पहिलोपटक नेपाली म्युजिक भिडियोमा देखिएकी छिन । अस्ट्रेलियामा बसेर फिल्ल्म मेकिङ्ग सम्बन्धी अध्ययन गरेका नेपाली निर्देशक अनिल गिरीले ‘सुस्तरी’को भिडियोमा अस्ट्रेलियन मोडेल म्यानटिनलाइ पर्दामा उतारेका हुन् ।

सुस्तरीको भिडियोलाइ अस्ट्रेलियाको सुन्दर समुद्री किनारा र रमणीय ठाउँहरुमा छायांकन गरिएको छ । जसमा निर्देशक गिरीको प्रसस्तै निर्देशकीय कला देख्न सकिन्छ । निर्देशक गिरी लामोसमय देखि अस्ट्रेलियाको मेलबर्नमा बसेर सक्रिय रुपमा काम गर्दै आएका छन् ।

उनले धेरै अंग्रेजी सर्ट फिल्म र टी भी शोहरुको निर्देशन गरेका छन् । उनले नेपाली भिडियोमा समेत प्रसस्त उपस्थिति देखाएका छन् । सुस्तरीमा पहिलो नेपाल आइडलमा टप ५ की गायिका सुजाता पाण्डेको शब्द संगीत र स्वर रहेको छ । भिडियोलाइ एजी फिल्म अस्ट्रेलियाबाट सार्वजनिक गरिएको हो ।