रोचक खवर

नेपालमा आजबाट गैंडा गणना थालिने

काठमाडौं । नेपालमा आजबाट एक सिंगे गैंडाको गणना थालिँदै छ । पर्सा राष्ट्रिय निकुञ्जको प्रतापपुरमा वन तथा वातावरण मन्त्री प्रेमबहादुर आलेले यस कार्यको शुभारम्भ गर्ने कार्यक्र छ । उनले त्यहाँ वनदेवीको पूजा गर्ने कार्यक्रम रहेको जनाइएको छ । नेपालमा चार वटा निकुञ्जमा एक सिंगे गैंडा पाइन्छ । त्यसमध्ये सबैभन्दा धेरै चितवन राष्ट्रिय निकुञ्जमा रहेका छन् ।

गणनाको नेतृत्व चितवन निकुञ्जले गर्दैछ । यस कार्यमा ३ सय भन्दा बढी मानवीय जनशक्ति र ६० वटा हात्तीसहितको टोली खटिने छ । चितवनमा मात्र २०० सय बढी मानवीय जनशक्ति र ४० वटा हात्ती खटिने छन् ।


चितवन राष्ट्रिय निकुञ्ज, पर्सा, बर्दिया र शुक्लाफाँटा वन्यजन्तु आरक्षमा गैंडाको गणना हुने छ । यसअघि नेपालमासन् १९९४, २०००, २००५, २००८, २०११ र २०१५ मा गैंडाको गणना भएको छ । पछिल्लो गणनामा अनुसार देशभर ६सय ४५ वटा गैंडा फेला परेका थिए ।