जनकपुर । आज तराई भेगमा फागु (होली) को उत्सव मनाइदैछ । आइतबार पहाड र हिमालमा मनाइएको होली सोमबार भने तराई तथा मधेसका जिल्लामा मनाउन लागिएको हो । होलीका अवसरमा केन्द्र सरकारले सोमबार तराई मधेसका जिल्लामा सार्वजनिक बिदा दिएको छ ।
आइतबार पहाडी र हिमाली भेगमा बिदा थियो । हिमाली र पहाडी भेकमा ‘फागु’ र मधेशमा ‘होली’ नामबाट यो पर्व मनाइन्छ । तराईमा समेत होलीको अवसरमा शान्ती सुरक्षा कायम राख्न उच्च सुरक्षा सतर्कता अपनाइएको प्रहरीले जनाएको छ । सरकारले यो पटक औपचारिक कार्यक्रम भने आयोजना नगर्न भनेको छ ।
