फिचर

थ्री नेसन्स कप जित्ने फुटबलरले जनही एक लाख पाउने

Photo :ANFA

काठमाडौं । थ्री नेसन्स कप फुटबलको उपाधी जित्ने फुटबलरले जनही एक लाख रुपैयाँ प्रोत्साहन पुरस्कार पाउने भएका छन् । अखिल नेपाल फुटबल संघ (एन्फा)ले थ्री नेशन्स कप जित्ने टोलीका प्रत्येक सदस्यलाई पुरस्कृत गर्ने घोषणा गरेको हो । टोलीका प्रत्येक सदस्यले एन्फाबाट एक\एक लाख रुपैयाँ प्राप्त गर्ने भएका हुन् ।

थ्री नेशन्स कपको उपाधि जित्दा नेपालले पुरस्कारबाट प्राप्त गरेको पाँच हजार अमेरिकी डलर समेत टोलीका सदस्यलाई नै वितरण गरिने भएकोछ । सोमबार नेपालले बङ्गलादेशलाई २–१ ले हराउँदै यो उपाधि जितेको हो ।

उपाधिसँगै नेपालले ट्रफी र पाँच हजार अमेरिकी डलर पाएको हो । टोलीका २३ जना खेलाडीमा पाँच हजार अमेरिकी डलर वितरण गरिने भएको हो । त्यसैगरी घरेलु मैदानमा ऐतिहासिक जित हात पारेकोमा प्रत्येक खेलाडीलाई प्रोत्साहनस्वरुप थप एक एक लाख प्रदान गरिने एन्फाको भनाई छ ।