समाचार

एमाले प्रवेश गरेका चार मन्‍त्रीको सांसद पद खोसियो

काठमाडौं । माओवादी केन्द्र त्यागेर नेकपा एमालेमा प्रवेश गरेका चार जना सांसदको पद खोसिएको छ । माओवादी केन्द्र त्याग गरेका सांसदहरु टोप बहादुर रायमाझी, लेखराज भट्ट, प्रभु शाह र गौरी शंकर चौधरीको सांसद पद खारेज भएको हो ।

बिहीबार बसेको प्रतिनिधिसभाको बैठकमा सभामुख अग्नी प्रसाद सापकोटाले माओवादी केन्द्रले पठाएको पत्र अनुसार उनीहरूले दल त्याग गरेको सूचना सुनाएर पढेर सुनाएका छन् ।

ओली सरकारमा रहेका उर्जामन्त्री रायमाझी, आपूर्तिमन्त्री भट्ट, सहरी विकासमन्त्री साह र श्रममन्त्री चौधरीलाई फिर्ता बोलाउँदै पार्टीले स्पष्टिकरणसमेत सोधेको थियो ।

माओवादी केन्द्रका संसदीय दलका नेता पुष्पकमल दाहालले संसद् सचिवालयलाई पत्र लेखेर उनीहरूले दल त्याग गरेको जानकारी गराएका थिए ।