कतार । कतारले क्वारेन्टिन सम्बन्धि मापदण्डमा परिमार्जन गर्दै सहज बनाएको छ । अब विदेशमा कोरोनाविरुद्धको खोप लगाएका कुनै पनि व्यक्तिले कतार भित्र प्रवेश गरेपछि थप क्वारेन्टिन बस्नु पर्ने छैन ।

कतार बाहिर रहँदा फाइजर, बायोनटेक भ्याक्सिन, मोर्डना, आस्ट्राजेनेका र जोन्सन एण्ड जोनसन खोप लगाएकाले होटेल क्वारेन्टाइन बस्न नपर्ने गरी नयाँ नियम ल्याएको कतारको स्वास्थ्य मन्त्रालयलाई उदृत गर्दै संचारमाध्यमले जनाएका छन् ।

जोनसन खोपको पहिलो डोज मात्र पर्याप्त हुने छ भने अन्य खोपको भने दुई डोज नै पुरा गरेको हुनुपर्ने नियम बनाइएको छ । खोप लगाएको १४ दिन पुगिसकेको हुनु पर्ने र खोप लगाएको आधिकारिक प्रमाणसहित समेत साथमा राख्नु पर्ने भएको छ ।

यसअघि कतार भित्र खोप लगाएकाले मात्र क्वारेन्टिन छूट पाएका थिए ।
कतारमा कोरोनाको दोस्रो लहर खतरनाक रुपमा फैलिएको छ । पछिल्लो २४ घण्टामा यहाँ ८ जनाको मृत्यु भइसकेको छ ।