काठमाडौं । नेपालले भारतबाट खरीद गरेको गरेको कोरोना विरुद्धको खोप छिटो दिन भारत सरकारसँग आग्रह गरेको छ । भारतीय कम्पनी सेरम इन्ष्टिच्यूटसँग नेपालले कुल २० लाख डोज खोप किनेको थियो । तर, १० लाख डोज मात्र प्राप्त भएको छ ।
आज परराष्ट्रमन्त्री प्रदीपकुमार ज्ञवालीले भारतीय समकक्षी एस जयशंकरसँग टेलिफोन वार्ता गगर्दै यस्तो आग्रह गरेका हुन् । ज्ञवालीले भारतीय समकक्षीसमक्ष खोप नेपाल पठाउने वातावरण मनाउन आग्रह गरेको परराष्ट मन्त्रालय स्रोतलाई उदृत गर्दै नेपाली संचारमाध्यमले जनाएका छन् ।
दुई पराराष्ट्रमन्त्रीबीच भारत र नेपालमा पछिल्लो समय बढेको कोरोना भाइरस संक्रमण नियन्त्रणको विषयमा समेत छलफल भएको छ । अहिले भारतमा कोरोना संक्रमण उच्च रहेको छ । यसले नेपालमा पनि जोखिम बढाउने देखिएको छ ।
