समाचार

आइपीएल : दिल्ली सामु चेन्नई निरिह

मुम्बई । १४ औं संस्करणको आइपीएलमा दिल्ली क्यापिटल्सले चेन्नई सुपर किंग्समाथि रवाफिलो जित दर्ता गरेको छ । ओपनरद्वय शिखर धवन र पृथ्वी शको उत्कृष्ट ब्याटिङको मद्दतमा दिल्ली चम्किएको हो । शनिबार राती सम्पन्न खेलमा चेन्नईमाथि दिल्लीले ७ विकेटको जित निकाल्न सफल भयो ।

पहिले ब्याटिंग गरेको चेन्नईले दिएको १ सय ८९ रनको लक्ष्य दिल्लीले १८.४ ओभरमा ३ विकेट गुमाउँदै दिल्लीले पूरा गरेको हो । दिल्लीका लागि शिखर धवनको नाममा सर्वाधिक ८५ रनको योगदान रह्यो ।

पृथ्वी शले ३८ बलमा ७२ रन जोडे । मुम्बईको वाङखडे स्टेडियममा भएको खेलमा चेन्नेईले निर्धारित २० ओभरमा ७ विकेट गुमाएर १ सय ८८ रन बनाएको थियो । चेन्नाईको लागि सुरेश रैनाले सर्वाधिक ५४ रन बनाए । मोइन अलीको नाममा ३६ रन रह्यो ।