गुल्मी । गुल्मीमा खोलामा डुबेर दुई बालकको ज्यान गएको छ । गुल्मीको मदाने गाउँपालिका ३ सिर्सेनीमा दुई बालकको खोलामा डुबेर ज्यान गएको प्रहरीले जनाएको छ । मदाने गाउँपालिका १ अग्लुङका ५ बर्षिय सुमन विक र प्युठान गौमुखी गाउँपालिका ५ खुँगका ८ बर्षिय गोविन्द विकको ज्यान गएको हो ।
जिल्ला प्रहरी कार्यालय गुल्मीका अनुसार बिहान साढे ११ बजे स्थानीय पनाह खोलाको दहमा नुहाउने क्रममा उनीहरु डुबेका हुन् । दुवै जनाको शव पोष्टमार्टमका लागि गुल्मी अस्पताल तम्घास ल्याइएको छ ।
