समाचार

एक वर्षपछि राजदूत पाण्डेले राष्ट्रपति सीलाई बुझाए ओहोदाको प्रमाणपत्र

काठमाडौं । आफु नियुक्त भएको एक वर्षपछि चीनका लागि नेपालका राजदूत महेन्द्रबहादुर पाण्डेले राष्ट्रपति सी जिनपिङलाई ओहोदाको प्रमाणपत्र बुझाउने मौका पाएका छन् । नियुक्त भएर गएपनि उनीले ओहदाको प्रमाणपत्र भने बुझाउन पाएका थिएनन् ।

बुधबार बेइजिङको ग्रेट हल अफ दि पिपुलमा आयोजित समारोहमा राजदूत पाण्डेले आफ्नो ओहोदाको प्रमाणपत्र बुझाएको त्यहाँस्थित नेपाली दूतावासले जनाएको छ । पाण्डे २०७७ वैशाख ५ मा चीनका लागि नेपाली राजदूतमा नियुक्त भएका हुन् । एकातर्फ कोरोना भाइरसको महामारी र अर्कोतर्फ कम प्राथमिकतामा पर्दा समेत राजदूतहरुले सम्बन्धित मुलुकका राष्ट्रपतिलाई ओहदाको प्रमाणपत्र बुझाउन निकै हम्मे पर्ने गरेको छ ।