काठमाडौं । कोरोना महामारीको दोस्रो वेव नेपालमा समेत शुरु भएको छ । छिमेकी मुलुक भारतमा उचाई छोइरहेको यो भाइरस क्रमशः नेपालमा समेत हरेक दिन बढ्दो क्रममा छ । यससँगै नेपालमा बेलायतमा पत्ता लागेको भेरियन्ट पुष्टी भएको छ । इपिडियोमोलोजी तथा रोग नियन्त्रण महाशाखाका निर्देशक डा।कृष्ण पौडेलका अनुसार नेपालमा ३१ वर्षदेखि ४० वर्षका व्यक्तिलाई यस्तो भाइरस देखिएको छ ।

बुधबार स्वास्थ्य तथा जनसंख्या मन्त्रालयको प्रेस ब्रिफिङमा उनले यो जानकारी गराएका हुन् । उनका अनुसार यो भाइरसलाई नियन्त्रण गर्न साविकमा जस्तै भिडभाड नगर्नु र स्वास्थ्य सचेतना अपनाउनुको विकल्प नभएको उनले बताए । भारतमा नयाँ भेरियन्ट पुष्टी भएको सन्दर्भमा नेपालमा समेत भित्र भित्रै भाइरस बिस्तार भएको हुन सक्ने आशंका विज्ञहरुले गरेका छन् । नेपालमा अहिले परीक्षणको दायरा भने बढ्न सकेको छैन ।