स्वास्थ्य

अमेरिका, बेलायतसहितका मुलुकबाट भारतलाई आउन थाल्यो मेडिकल सहयोग

photo : Noah Seelam / AFP - Getty Images

काठमाडौं । कोरोनाभाइरसको दास्रो लहरबाट सबैभन्दा बढी प्रभावित भारतमा मेडिकल सामग्रीको अभावले भयाभह अवस्था सिर्जना भएको छ । यस परिस्थितिमा उसलाई संसारका विभिन्न मुलुकले सहयोग अगाडी बढाएका छन् । महामारीका कारण गम्भीर रूपमा प्रभावित भारतलाई अमेरिकासहित कैयन् देशहरूले आपतकालीन मेडिकल सहायता शुरु गरेको भारतीय संचारमाध्यमले जनाएका छन् ।

बीबीसीका अनुसार भारतमा आस्ट्राजेनेका खोप निर्माणका निम्ति खट्किएका कच्चा पदार्थमा लगाइएको निर्यात प्रतिबन्ध अमेरिकाले हटाएको छ । अमेरिकाले भारतलाई मेडिकल तथा सुरक्षा उपकरण पनि पठाउँदैछ। यूकेले त्यहाँ भेन्टिलेटर तथा अक्सिजन कन्सन्ट्रेटर उपकरण पठाउन शुरु गरेको छ ।

युरोपेली युनियनका सदस्य राष्ट्रबाट समेत सहायता आउन थालेको जनाइएको छ । भारतको राजधानी दिल्लीमा भरिएका अस्पतालमा अहिले बिरामी राख्न थप स्थानको अभाव छ । अक्सिजन नपाएर लुटपाट हुन सक्ने जोखिम बढेको छ ।

उता, भारत सरकारले अक्सिजन उत्पादन बढाउन देशभर ५०० वटा कारखाना खोल्न अनुमति दिएको छ। छिमेकी बाङ्लादेशले सङ्क्रमण फैलनबाट रोक्न सोमवारदेखि भारतसँगको सिमाना बन्द गरेको छ ।