समाचार

बन्द भए देशभरका स्कुल, उडान जारी रहने

फाइल तस्वीर (THT)

काठमाडौं । कोरोना भाइरसको संक्रमणका बीच देशभरका स्कुल बन्द गरिएका छन् । मन्त्रिपरिषद्को सोमबार बसेको बैठकले यस्तो निर्णय गरेको हो । यसअघि कोभिड १९ संकट व्यवस्थापन केन्द्र (सीसीएमसी)ले स्कुल बन्द गर्न सिफारिस गरेको थियो । विद्यालय तथा शिक्षण संस्थाहरुले भर्चुअल तथा वैकिल्पक विधिबाट पठनपाठन गर्नुपर्ने गरी निर्णय भएको छ ।

मंगलबारदेखि तोकिएको सबै प्रकारका परीक्षा समेत रोकिएको छ । बैठकले पहाडी तथा हिमाली जिल्लामा २०० र उपत्यकाका साथै तराई, मधेस तथा हकमा ५०० बढी संक्रिय संक्रमित भएका जिल्लामा स्थानीय प्रशासनले वैशाख १६ गतेबाट निषेधाज्ञा जारी गर्न सक्ने भएका छन् ।

यसै अनुसार काठमाडौं उपत्यकामा समेत निषेधाज्ञा घोषणा भएको छ । उपत्यकासहित बाँके, बर्दिया र सुर्खेतमा पनि निशेषज्ञा जारी भएको छ । निषेधाज्ञाका बीचमा पनि अन्तराष्ट्रिय तथा आन्तरिक हवाई उडान भने जारी रहेको छ । अन्तराष्ट्रिय हवाई उडानबाट आएका नेपाली अनिवार्य १० दिन होम क्वारेन्टिन र विदेशी नागरिक होटल क्वारेन्टिनमा बस्नु पर्ने भएको छ ।