स्वास्थ्य

नेपाल र भारतका २२ नाका बन्द, १३ नाकाबाट आवतजावत गर्न सकिने

काठमाडौं । नेपाल र भारतबीचका २२ वटा नाका सरकारले बन्द गरेको छ । शुक्रबार कोभिड–१९ संकट व्यवस्थापन केन्द्र (सीसीएमसी) को बैठकले नेपाल र भारतबीचका ३५ नाकामध्ये २२ वटा बन्द गर्ने नाका बन्द गर्ने निर्णय गरेको हो । अब १३ वटा नाकाबाट भने आवतजावत गर्न सकिने छ ।

अब काँकडभिट्टा, जोगबनी, पशुपतिनगर, भिठ्ठामोड, गौर, वीरगञ्ज, बेलहिया, कृष्णनगर, जमुनाह, झुलाघाट, कोलुघाट, गौरीफान्टा र गड्डाचौकी नाका खुला हुनेछन् । यी नाका नजिकै होल्डिङ सेन्टर बनाएर नेपालीहरुलाई राख्ने निर्णय समेत भएको छ । बैठकले निषेधाज्ञामा अझै कडाई गर्ने निर्णय समेत गरेको छ ।

अब उद्योगहरुले मजदुर कर्मचारीलाई उद्योग परिसरमै राख्नुपर्ने भएको छ । सार्वजनिक निर्माण काम रोक्ने र सरकारी कार्यालयमा समेत कर्मचारी घटाउने निर्णय सरकारले गरेको छ । सरकारले अब निजी अस्पताललाई पुनः कोभिड अस्पतालमा रुपान्तरण गर्ने तयारी समेत गरेको छ ।