नयाँ दिल्ली । नेपालको छिमेकी मुलुक भारतबाट आततायी घटना, समाचार र भिडियो सार्वजनिक भइरहेको समयमा एक खुसीको खबर आएको छ । टाइम्स अफ इण्डियाले आज गरेको एक रिर्पोटिंग अनुसार भारतको सात वटा राज्यमा संक्रमणको गति थामिएको छ । केन्द्रीय स्वास्थ्य मन्त्रालयले यसको पुष्टी समेत गरेको छ ।

सबैभन्दा बढी महाराष्ट्र, पन्जाब, दिल्ली, उत्तर प्रदेश, तेलंगाना, मध्य प्रदेश र उत्तराखन्डमा कोरोनाको उच्च विन्दु थामिएको छ । जहाँ हरेक दिन संक्रमित कम हुँदै गएको तथ्यांक आएको छ । स्वास्थ्य मन्त्रालयको तथ्यांक अनुसार भारतमा दैनिक संक्रमित पुष्टी चार लाखको आंकडा भन्दा माथि पुगेसँगै अब भने संख्यामा कमी आउन थालेको छ ।

आइतबार भारतभर ३ लाख ६८ हजार मानिसमा कोरोना पुष्टी भएको थियो । महाराष्ट्रका अधिकांश जिल्लाबाट नयाँ संक्रमित भेटिने क्रम घटेको खबर छ । यहाँ सरकारले विभिन्न प्रतिवन्ध लगाएको छ । जसले गर्दा क्रमशः कोरोनाको चेन ब्रेक भइरहेको पाइएको छ । लापरवाही गरेमा पुनः स्थिति भयाभह हुन सक्ने चेतावनी मन्त्रालयले दिएको छ । दिल्लीले एक साता लकडाउन बढाएको छ । अन्य राज्यहरुले समेत कोरोना नियन्त्रण गर्न प्रतिवन्ध जारी राखेका छन् ।