काठमाडौं । सरकारले चार्टर्ड उडानको ढोका खुला राख्दै आजबाट सबै आन्तरिक उडान बन्द गरेको छ । कोरोना भाइरसको बढ्दो संक्रमण रोक्ने भन्दै सरकारले गत राती १२ बजेबाट आन्तरिक उडान रोक्ने निणय गरेको हो । बिहीबारबाट सबै अन्तर्राष्ट्रिय उडानमा समेत रोक लगाइएको छ । यद्दपी यसबीचमा भारतसँग भने सातामा दुई उडान निरन्तर रहने छ ।

नेपाल र भारत सरकारबीच एयर बल सम्झौता अनुसार भारतसँग उडान रद्द नभएको नेपाल नागरिक उड्डयन प्राधिकरणले जनाएको छ । भारतसँग सातामा दुईवटा उडान हुनेछन् । भारतबाट हवाई उडानमार्फत आएका सबै यात्रु अनिवार्य १० दिन आफ्नै खर्चमा सरकारले तोकेको होटेलमा क्वारेन्टिन बस्नु पर्छ । यो निर्णयको भने विरोध भइरहेको छ । भारत सबैभन्दा प्रभावित मुलुक रहेको र यहाँ उडान रोक नलगाई सुरक्षित मुलुकमा रोक लगाउनुलाई अदरदर्शी निर्णय भन्दै आलोचना भएको हो ।