काठमाडौं । तपाईं आजबाट काठमाडौँ उपत्यका छाड्दै हुनुहुन्छ भने तपाईं जान चाहेको स्थानीय तहबाट सिफारिस मगाउनु होला । सरकारले उपत्यका छाड्नेको हकमा अब स्थानीय तहको सिफारिश अनिवार्य गरेको छ । काठमाडौँका प्रमुख जिल्ला अधिकारी कालीप्रसाद पराजुलीले बुधबारदेखि सम्बन्धित स्थानीय तहको सिफारिशसहित १० दिन क्वारेन्टिनमा बस्ने निश्चित भएपछि मात्र उपत्यकाबाट गन्तव्यमा जाने दिइने बताएका छन् ।

मंगलबार जिल्ला प्रशासन कार्यालयले जारी गरेको आदेशमा समेत यो विषय उल्लेख छ । यसअघि उपत्यका छिर्न मात्र अनिवार्य १० दिन क्वारेन्टिन भनिएको थियो । आजबाट काठमाडौंमा निषेधाज्ञामा अझ कडाई गरिदैछ । पैदल यात्रुमाथि निगरानी बढाइने छ । कार्यालयहरु २५ प्रतिशत मात्र खुल्नेछन् ।