अफगानिस्तानमा विद्यालयमा लक्षित गरि विष्फोट, कम्तिमा ३० मारिए
AP Photo
Vishwanews.com
09 May, 2021
2.2k shares
काबुल । अफगानिस्तानको राजधानी काबुलमा एक माध्यमिक विद्यालयलाई लक्षित गरि भएको विस्फोटमा कम्तिमा ३० जना मारिएका छन् । बीबीसीका अनुसार यो घटनामा दर्जनौं व्यक्ति घाइते छन् । विद्यालयबाट बालबालिका निस्किरहेको समयमा शनिवार विस्फोट गराइएको हो । हताहत हुनेमा अधिकांश छात्रा रहेको त्यहाँको शिक्षा मन्त्रालयले जानकारी गराएको छ ।
यो घटनाको जिम्मेवारी कसैले लिएको छैन । दश्त ए बर्चीमा भएको घटनामा सुन्नी लडाकुको हात रहेको आशंका गरिएको छ । शनिवारको आक्रममा पछिल्ला दिनयता भएका आक्रमणमध्ये सबैभन्दा घातक भएको बीबीसीले लेखेको छ ।
