काठमाडौं\एजेन्सी । नेपालको छिमेकी मुलुक चीनले ३१ करोड मानिसमा कोरोना विरुद्धको खोप लगाएको छ । शुक्रवारसम्म ३० करोड ८० लाखभन्दा बढी व्यक्तिमा कोभिड–१९ विरूद्धको खोप लगाएको चीनको राष्ट्रिय स्वास्थ्य आयोगलाई उदृत गर्दै चिनियाँ संचारमाध्यमले लेखेका छन् । संसारभर कुल १६ करोड मानिसलाई मात्र कोरोना संक्रमण भएको पुष्टी भएको सन्दर्भमा चीनको खोप अभियान धेरै माथि पुगेको देखिएको छ ।

चीनले शरीरको प्रतिरक्षा प्रणालीलाई विकास गर्न स्वदेशमा नै निर्माण गरिएको खोपलाई आफ्ना नागरिकमा बिस्तार गरेको हो । शुक्रवार मात्र विश्व स्वास्थ्य संगठनले आपतकालिन प्रयोगका लागि चीनमा बनेको खोपलाई अनुमति दिइसकेको छ ।