डायस्पोरा

गैर आवासिय नेपाली संघ अमेरिकाको नयाँ नेतृत्वमा बुद्धी सुवेदी

अमेरिका । गैर आवासिय  नेपाली संघ, राष्ट्रिय समन्वय परिषद् अमेरिकाको सम्पन्न निर्वाचनमा बुद्धि सुबेदी अध्यक्षमा विजयी भएका छन्। आफ्ना निकटतम प्रतिष्पर्धी कृष्ण लामिछानेलाई पराजित गर्दै सुवेदी विजयी भएका हुन्। सुवेदीले ५ हजार ६ सय १८ मत प्राप्त गरी आगामी २ बर्षको लागि बिजयी भएका हुन । दुई दिनसम्म अनलाइन मार्फत सम्पन्न निर्वाचनमा १५ हजार ७ सय ६८ मत खसेको थियो। सँघमा २० हजार एकसय ३८ मतदाता थिए ।
संघको बरिष्ठ उपाध्यक्षमा कृष्णजीवी पन्थ विजयी भए। उनले आफ्ना प्रतिष्पर्धी बीआर लामालाई १२ सय ८७ मतले पराजित गरे। पन्थले ६ हजार ८ सय ५० मत प्राप्त गरे भने प्रतिष्पर्धी लामाले ५ हजार ५सय ६३ मत प्राप्त गरेका छन्। विजयी पन्थ पपुलर मत ल्याउनेमध्येका एक हुन्।


त्यसैगरी उपाध्यक्षमा सुमन थापा, गोपेन्द्र भट्टराई, विकास उप्रेती र डिलु पराजुली बिजयी भएका छन्।

महासचिववमा अन्जनकुमार चौंलागाईं विजयी भएका छन्। उनले ६ हजार ३ सय १२ मत प्राप्त गरे। महिला उपाध्यक्षमा दीक्षा बस्नेत विजयी भइन्। उनले ८ हजार २ सय ४५ मत प्राप्त गरिन्।

सचिवमा अनुप खनाल विजयी भए भने महिला सचिवमा सुनिता सापकोटा कंडेल, कोषाध्यक्षमा राजीव श्रेष्ठ, संयुक्त कोषाध्यक्षमा अग्निप्रसाद ढकाल, युवा संयोजकमा त्रिभुवन पाण्डे, महिला सयोजकमा सुन्दरी गुरुङले जित हात पारेका छन्।