फिचर

टर्कीसहित तीन गन्तब्यमा उडान तालीका तोकियो

काठमाडौं । टर्कीसहित सरकारले खोलेका नियमित गन्तब्यका लागि उडान तालीका तोकिएको छ । नेपाल एयरलाइन्ससहित चार वायुसेवा कम्पनीले तीन अन्तर्राष्ट्रिय गन्तव्यमा नियमित उडान गर्न अनुमति पाएका हुन । सरकारले भारतमा दुई र अन्य तीन मुलुकमा साताको एक नियमित उडान खुला गरेको छ ।

नेपाल नागरिक उड्डयन प्राधिकरणका अनुसार नेपाल वायुसेवा निगम, टर्किस एयरलाइन्स, कतार एयरवेज र एयर इण्डियाले नेपालमा नियमित उडानको अनुमति पाएका छन् । नियमित उडान खुलेकामध्ये चीनमा अझै उडान तोकिएको छैन । अनुमति पाएका उडानमध्ये टर्कीसले इस्तानबुलमा साताको एक उडानको अनुमति पाएको छ ।

टर्कीका लागि ३ जुनबाट सातामा एक उडानको अनुमति दिइएको छ । यो उडान हरेक बिहीबारका लागि तोकिएको छ । नेपाल एयरलाइन्सले कतारको दोहा र भारतको नयाँ दिल्लीका लागि अनुमति पाएको छ । दोहामा कतार एयरवेजले समेत अनुमति पाएको हो ।

कतारमा सोमबार उडान हुनेछ । कतारमा ७ जुनबाट जहाज उड्ने छ । नेपाल एयरलाइन्सले दिल्लीमा हरेक बुधबार उडान गर्नेछ । एयर इण्डियाले साताको शुक्रबार काठमाडौ उडान गर्नेछ ।