फिचर

विश्वकप छनोट अभियानमा आज नेपालले ताइपेईको सामना गर्दै

काठमाडौं । फिफा विश्वकप २०२२ र सन् २०२३ एसिया कपको दोस्रो चरणको छनोट अभियानमा आज नेपालले आज चाइनिज ताइपेईको सामना गर्दैछ । चाइनिज ताइपेईलाई नेपालले यो अभियानको पहिलो खेलमा हराइसकेको छ । त्यसकारण दोस्रो खेलमा नेपालको मनोवल केही उच्च हुन सक्छ । खेल कुवेतको कुवेत सिटीमा नेपाली समय अनुसार राति पौने १० बजे हुँदैछ ।

ताइपेईविरुद्ध नेपालको लक्ष्य स्पष्ट जित हुनेछ । किनकी तुलनात्मक रुपमा यो समुहमा नेपाल र ताइपेइ कमजोर छन् । तर, ताइपेई नेपाल भन्दा पनि बलियो टीम हो । नेपाललाई समूहका चौथो स्थानमा रहन समेत यो खेल जित्नै पर्छ । त्यस अवस्थामा नेपाल एसिया कप छनोटको तेस्रो चरणमा स्थान बनाउन सक्छ ।

नेपाल समूह चरणमा तीन अंकसहित चौथो स्थानमा छ । अष्ट्रेलियाको १२ अंक छ भने जोर्डन र कुवेतको समान १० अंक छ । नेपालभन्दा पछाडी रहेको चाइनिज ताइपेईले अंक जोड्न सकेको छैन । नेपालको बाँकि खेल २४ जेठमा जोर्डन र २८ जेठमा अस्ट्रेलियासँग रहेको छ ।