बिचार

व्यापक विरोधपछि राजेन्द्र महतोले सच्याए अभिव्यक्ति

काठमाडौं । उपप्रधानमन्त्री तथा शहरी विकास मन्त्री राजेन्द्र महतो नेपालमा बहुल राष्ट्रिय राज्य हुनुपर्ने बताएपछि देशभर व्यापक विरोध भइरहेको छ । यसबारे प्रधानमन्त्री केपी शर्मा ओली मौन बसेको भन्दै उनको समेत आलोचना भइरहेको छ । यसै सन्दर्भमा महताले राष्ट्रिय एकता र अखण्डताप्रति आफू पूर्ण प्रतिवद्ध रहेको भन्दै आफ्नो बोली सच्याएका हुन् ।

मन्त्री भएपछि शुक्रबार राती सिंहदरबारमा कार्यभार सम्हाल्न पुगेका उनले बहुल राज्यको विषय बोलेसँगै आलोचना शुरु भएको हो । शनिबार राती मन्त्री महतोले एक प्रेस विज्ञप्ति निकालेका छन् ।

जसमा उनले आफ्नो भनाइ बङ्ग्याएर र गलत अर्थ लाग्ने गरी प्रचारप्रसार भएकोमा ध्यानाकर्षण भएको बताएका छन् । उनले बहुल राज्य नभएसम्म अधिकार र पहिचानको निम्ति आन्दोलन जारी राख्ने बताएका थिए । महतोले संविधानमा आफूहरूका असंतुष्टी रहेकोले संशोधनका लागि कार्यदलमा आफ्ना धारणा राख्ने उल्लेख गरेका छन् ।