क्यालिफोर्निया । बेलायती राजपदवी छोडी अमेरिका बसिरहेका पूर्वराजकुमार ह्यारी दम्पत्तिलाई पुत्रीलाभ भएको छ । उनकी पत्नी मेघन मार्कलबाट शुक्रबार पुत्री जन्मिएकी हुन् । अमेरिकी संचारमाध्यमहरुका अनुसार क्यालिफोर्नियास्थित एक अस्पतालमा उनले छोरीलाई जन्म दिएकी छन् । छोरीको नाम लिली राखिएको छ। यो बेलायती महारानीको उपनाम समेत हो । तर, छोरीको पुरा नाम भने लिलिबेट डायना माउन्टब्याटन विन्डसर हुने भएको छ । ह्यारीकी आमाको नाम डायना हो ।

समाचारमा जनाइए अनुसार आमा र बच्चा दुबैको स्वास्थ्य सामान्य छ । यो दम्पत्तिको पहिलो सन्तान पुत्र छन् । लिली अमेरिकामा जन्मिएसँगै अब उनले अमेरिकाको जन्मसिद्ध नागरिकता समेत पाउने छिन् । यसले उनलाई अमेरिकाकी राष्ट्रपति सम्मको ढोका खोल्ने छ । त्यसो त मेघन अमेरिकी नागरिक हुन् ।
बकिङहम दरबारले समेत सबैभन्दा कान्छो सन्तानको जन्म भएसँगै खुसीयाली मनाएको खबर छ । यो खबरले महारानीसहित राजपरिवारका सबै सदस्य खुसी भएको दवबारबार प्रतिक्रिया सार्वजनिक भएको छ ।