काठमाडौं । आजबाट श्रम स्वीकृति खुला भएको छ । वैदेशिक रोजगार कार्यालयले हरेक बुधबार मात्र अन्तिम श्रम स्वीकृति लिन सकिने गरि सेवा प्रारम्भ गरेको हो । सरकारले अन्तर्राष्ट्रिय गन्तब्यतर्फ कतारमा नियमित उडान खुला गरेसँगै सो मुलुकमा जाने कामदारको बाटो समेत खुलेको छ । सोहीकारण कार्यालयले आफ्नो सेवा शुरु गरेको हो ।

वैदेशिक रोजगार कार्यालय ताहाचलबाट साताको एक दिन श्रम स्वीकृति लिन सकिन्छ । कार्यालयले २४ वैशाखपछि भौतिक रुपमा उपस्थित भई सेवा लिन बन्द गरेको थियो । अहिले अनलाइनबाट भने सेवा नियमित छ । निषेधाज्ञा र उडानमा लागेको प्रतिवन्धका कारण ठूलो संख्यामा कामदार रोकिएका छन् ।