न्यूयोर्क । दुई नेपाली चलचित्र न्युयोर्कको प्रतिष्ठित क्विन्स वर्ल्ड फिल्म फेस्टिभलका लागि छानिएका छन् । इटालियन फिल्ममेकर सर्जियो बासोद्धारा निर्देशित सरिता, र अमेरिकन फिल्ममेकर इयान स्कटद्धारा निर्देशित बसन्जी, फेस्टिभलमा छानिएका हुन् । मिथिला शर्मा, सरिता गिरी लगायत कलाकारको अभिनय रहेको बसन्जी एक थ्रिलर चलचित्र हो । सरिता चलचित्रमा नेपालमा रहेका भुटानी शरणार्थीको कथा समेटिएको छ । जहा अधिकांश पात्र भुटानी छन् ।

समिक्षकले दुबै चलचित्रलाई निकै राम्रो प्रतिक्रिया दिएका छन् । बसन्जी चलचित्रलाई प्रमुख अवार्डको दाबेदारको रुपमा हेरिएको छ । दुबै चलचित्र यहि जुन् २६ र २७ तारिखका दिन न्युयोर्कको क्विन्समा अवस्थित शेर्पा किदुगको हलमा देखाउने तयारी छ । फिल्म हेर्नका लागि आयोजकले फेस्टिभलको वेभसाइट queensworldfilmfestival.org बाट टिकट किन्न सकिने बताएको छ ।