काठमाडौं । कोरोना भाइरसको महामारीबाट थला परेको अर्थतन्त्र उकास्न विश्व बैंकले नेपाललाई करीव १८ अर्ब रुपैयाँ (१५ करोड डलर) ऋण सहयोग गर्ने भएको छ । कोभिड महामारीबाट प्रभावित अर्थतन्त्र पुनरुत्थान गर्न विश्व बैंकले नेपाललाई उक्त रकम बराबरको ऋण स्वीकृत गरेको विश्व बैंकले जनाएको छ । विश्व बैंकको बोर्ड बैठकबाट उक्त प्रस्ताव स्वीकृत भएको हो ।
कोभिड महामारीको पुनरुत्थान, जोखिमपूर्ण वर्गको सुरक्षा तथा दिगो विकासको प्रयोजनमा खर्च हुने विश्व बैंकले जनाएको छ । यसका माध्यमबाट नेपालको सामाजिक तथा आर्थिक पुनरुत्थानमा सहयोग पुग्ने अपेक्षा विश्व बैंकको छ । विश्व बैंकले पछिल्लो दिनमा नेपालमा सहायता बढाएको छ ।
