काठमाडौं । भारतीय सेनामा नेपाली महिलालाई भर्ति लिइने सम्बन्धी सूचनालाई भारत सरकारले सच्याएको छ । गत साता काठमाडौंस्थित भारतीय राजदूतावासको कल्याणकारी शाखाबाट एक सूचना जारी गरि नेपाली महिलालाई भारतीय सैनिक सेवामा भर्ति लिइने उल्लेख थियो । यो सूचनाको व्यापक आलोचना भएपछि भारतले सूचना सच्याएको हो । अब नेपाली भाषि भारतीय महिलाले भर्ति पाउने गरि सूचना सच्याइएको हो ।

नेपालमा उक्त विषयबारे व्यापक चर्चा र आलोचना भएपछि भर्नासम्बन्धी सूचनामा भुलसुधार गरेको छ। हालै अपडेट भएको परिमार्जित सूचना अनुसार सबै गोर्खाहरू (नेपाली र भारतीय) भनिएको स्थानमा अब भारतीय गोर्खा मात्र भनिएको छ । यसबाट भर्ति हुन भारतीय महिला मात्र पाउने भएका हुन् ।