रोचक खवर

माधव नेपाल प्रचण्डको पुच्छर बनेको र कांग्रेस प्रचण्डपथमा हिँडेको एमाले अध्यक्ष ओलीको आरोप

काठमाडौं । नेकपा एमालेका अध्यक्ष केपी शर्मा ओलीले सोमबार आफ्नो पार्टीका वरिष्ठ नेता माधवकुमार नेपाल, कांग्रेस सभापति शेर बहादुर देउवा र माओवादी केन्द्रका अध्यक्ष प्रचण्डविरुद्ध तुच्छ टिप्पणी गरेका छन् । ७०औं मदन भण्डारी जयन्तीको अवसरमा सोमबार बालुवाटारमा आयोजित कार्यक्रममा उनले माधवकुमार नेपाललाई प्रचण्डको एक मामुली कार्यक्रता मात्र भएको आरोप लगाए । उनले नेपाल प्रचण्डको पुच्छर मात्र भएको समेत टिप्पणी गरे ।

लाजसरम पचेको, अराजक, अनुशासनहीन र इमान नभएको भन्दै उनले नेपालविरुद्ध विषवमन गरेका हुन् । हालै नेपालले आफुलाई ओलीले प्रधानमन्त्रीको प्रस्ताव आएको बताएकोतर्फ इंिगत गर्दै प्रधानमन्त्री समेत रहेका ओलीले यस्तो मान्छेलाई प्रधानमन्त्रीमा प्रस्ताव गर्न आफुलाई बहुला कुकुरले नटोकेको बताए । उनले प्रचण्डलाई मान्छे मारेर आएको भन्दै आलोचना गरे ।

तर, उनले विगतमा प्रचण्डका विश्वासिला केही कार्यक्रतालाई भने काखी च्यापेका छन् । उनले नेपाली कांग्रेसलाई भने प्रचण्डपथमा लागेको आरोप लगाए । उनको यो आरोपलाई भने कांग्रेसले अशोभनीय टिप्पणी भनेको छ । विगतमा स्वास्थ्य मिल्दा प्रचण्डसँग टासिएको सन्दर्भ सम्झाउँदै कांग्रेस प्रवक्ता विश्व प्रकाश शर्माले प्रधानमन्त्रीले अशोभनीय अभिव्यक्ति दिएको बताए । उनले सर्वोच्च अदालततर्फ समेत आलोचना गर्न भ्याएका छन् ।