मनोरञ्जन

'आत्मनिर्भरताका लागि खेलाडी खेतमा दुई दिन' अभियान शुरु

काठमाडौं । नेपाल खेलकुद महासंघले ‘आत्मनिर्भरताका लागि खेलाडी खेतमा दुई दिन’ नामक अभियान शुरु गरेको छ । तारकेश्वर नगरपालिका जितपुरफेदीमा रोपाई कार्यक्रमको आयोजना गर्दै महासंघले सो अभियानको शुरुवात गरेको हो। अवका दिनमा खेलकुद संगै उत्पादनमा पनि खेलाडीहरुको सहभागिता र योगदानका लागि शुरु गरिएको सो अभियानको शुभारम्भ नेकपा एमालेका पोलिट ब्युरो सदस्य तथा पुर्व गृहमन्त्रि खगराज अधिकारीले गरे ।

कार्यक्रममा पुर्वउधोग मन्त्री कर्ण थापा र पुर्व खेलकुदमन्त्री तथा महासंघका इन्चार्ज दावा लामा विशेष अतिथिका रुपमा उपस्थित थिए। सहभागीहरुलाई अबिर र टिका लगाउदै शुरु गरिएको रोपाइँ कार्यक्रममा कलाकारहरु पुजा शर्मा ,वर्षा सिवाकोटी र राज कट्टेलले सक्रिय सहभागिता जनाएका थिए । स्थानीय धर्मस्थली ब्याण्डले बाजा प्रस्तुत गर्दै कार्यक्रमको रौनक बढाएको थियो।

उपत्यका खेलकुद माहासंघ सहसंयोजक केसब ब्यन्जन्कारको अध्यक्षतामा भएको कार्यक्रममा महासंघका अध्यक्ष रमेश पौडेल, वरिष्ठ उपाध्यक्ष परशुराम बस्नेत ,उपाध्यक्ष सुवाष श्रेष्ठ ,उप महासचिव रामकृष्ण खडका,शान्तमाया परीयार ,सचिव रेनुका श्रेष्ठ ,उमेस केसी ,चर्चित फुटवल खेलाडी तथा राखेप सदस्य हरी खड्का ,खेलकुद परीषद सदस्य सम्पन्न श्रेष्ठ लगायत उपस्थित भए ।

कलाकारहरु राज कटुवाल, युद्ध बानिया ,नायीकाहरु बर्षा शिवाकोटी र पुजा शर्मा समेत सहभागी भएका छन् । खेलका दौरान घाइते खेलाडीको निशुल्क उपचारको लागि पहल गर्दै आएको महासंघले यस अभियान अन्तर्गत दुई दिन कृषि र उत्पादन मुलक कार्यमा खर्चिने गरी यो अभियान शुरु गरेको महासंघका अध्यक्ष रमेश पौडेलले बताए । उनले खेल ,खेलाडी र खेलप्रेमीहरुको साझा र नेतृत्वदायी मंचका रुपमा महासंघलाई अगाडी बढाउने प्रतिवद्धता व्यक्त गरे ।