विश्व

अफगानिस्तानमा तालिवान राज : पुरुषले दारी नकाट्नु, महिला-पूरुषसँगै बजार नजानु

Roger Lemoyne/Liaison, via Getty Images\NYTimes

काबुल । अफगानिस्तानबाट अमेरिकी नेतृत्वको सुरक्षा फौज फिर्ता हुने क्रमसँगै देशभर तालिवानले कब्जा जमाइरहेको छ । आफ्नो कब्जा जमाएको भेगमा तालिवानले आफ्नो नियमहरु समेत जारी गर्न थालेको छ । समाचार एजेंसी एएफपीलाई उदृत गर्दै संचारमाध्यमहरुले जनाए अनसार उत्तरी अफगानिस्तानको एक सुदूर क्षेत्रमा कब्जा जमाएसँगै कट्टरपन्थी इस्लामिक संगठन तालिवानले आदेश जारी गरेको छ ।

जसमा महिलालाई अब पुरुषको साथमा बजार जान रोक लगाइएको छ । पुरुषलाई समेत अब दारी नकाट्न आदेश जारी गरिएको छ । पुरुषलाई धुम्रपान समेत नगर्न भनिएको छ । समाचार एजेन्सीले यसको जानकारी स्थानीयबासीसँगको कुराकानीमा आधारित रहेर बनाएको हो । तालिवानले स्थानीय प्रशासनलाई पत्र लेख्दै स्तो आदेश नमान्नेमाथि कारवाही गर्न समेत भनेको छ ।

नेटो सैनिकोको फिर्तीसँगै अफगानिस्तानमा तालिवानको गतिविधि बढेको हो । केही दिन अगाडी शेर खाँ बान्देर क्षेत्रमा महिलालाई घर बाहिर ननिस्कन आदेश जारी भएको थियो । यसअघि विभिन्न पेशा व्यवसाय गर्ने महिलाले तालिवानको यो आदेशसँगै काम तथा रोजगारी गुमाउनु परेको छ । तालिवानले लगाएको यो नियम इश्लामिक रुढिवादी कानून अनुसारको हो ।