काठमाडौं । यो वर्षको साउन महिनाको पहिलो सोमवार आज। हिन्दू धर्मावलम्बी महिलाले भगवान शिवको पूजा आराधनाका साथ ब्रत लिन्छन् । यो दिन शिवालयमा महिला भक्तजनको ठूलो भिड लाग्छ । तर, कोरोना भाइरसको महामारीका कारण यो वर्ष भने पशुपतिनाथसहितका शिवालय बन्द छन् । साउने सोमवारको व्रत बसी शिवजीको पूजा आराधना गरे मनोकाङ्क्षा पूरा हुने विश्वास छ । साउनको पहिलो सोमवार दर्शनार्थीका लागि पशुपति मन्दिरसहित मन्दिर नखुल्ने भएसँगै व्रतालुले घरमै शिवजीको पूजा आजा गरि मनाउनु पर्ने भएको छ । सरकारले निषेधाज्ञा कायमै राखेको छ । जसमा मन्दिरको दर्शन रोकिएको छ ।
