न्यूयोर्क । अमेरिकाको न्युयोर्कस्थित ग्रान्डएभिन्युमा बस्दै आएका २८ वर्षिय विपिन लम्सालको असामयिक निधनपछि उनको शव व्यवस्थापनमा परिवारले सहयोगको अपेक्षा गरेको छ । लम्सालको आफ्नै अपार्टमेन्टमा निधन भएको हो । श्रीमती र साथिहरु संगै खाना खाइ बाथरुम गएका उनी लामो समयसम्म बाहिर ननिस्किएपछि ढोका ढकढक्याउदा कुनै रेस्पोन्स नगरेपछि बाहिरबाट खोलिएको थियो । त्यसक्रममा उनी भुइमा लडेको अवस्थामा फेला परेका सीता खरेलले सामाजिक संजाल फेसबुकमा लेखेकी छिन् ।

खरेलका अनुसार अचेत अवस्थामा भेटिएका लम्साललाई तुरुन्तै एम्बुलेन्स बोलाई अस्पताल लगिएको थियो । अस्पतालमा लैजानासाथ उनलाई मृत घोषणा गरिएको थियो । श्रीमती बिनिता लम्साललाई उदृत गर्दै खरेलले विपदको समयमा आफन्त कोहि नभएका कारण शव व्यवस्थापनमा समस्या परेको उल्लेख गरेकी छिन् । विपिनको घर पर्बत, कुस्मा हो । उनका साथि म्याग्दीका नर्जुन थापालाई सम्पर्क गरेर सहयोग गर्न सकिने भएको छ ।