फिचर

एमसीसी उपाध्यक्ष फतिमा आज नेपाल आउँदै

काठमाडौं । अमेरिकी सहयोग नियोग मिलेनियम च्यालेन्ज कर्पोरेसन (एमसीसी) की उपाध्यक्ष फतिमा सुमार आज नेपाल भ्रमणमा आउने भएक िछिन् । एमसीसी परियोजना कार्यान्वयन भएका देशहरुमा वार्षिक रुपमा कार्यान्वयनको अवस्था बुझ्ने क्रममा उनी बिहीबार बिहान कतार हुँदै नेपाल आउन लागेको अमेरिकी दूतावासले जनाएको छ । नेपालमा एमसीसी परियोजना स्वीकार गर्ने कि नगर्ने भन्ने विषयमा चर्को बहस जारी छ ।

यो भ्रमणले एमसीसी अगाडी बढाउने वा रोक्ने भन्नेमा पनि ठोस निर्णय हुन सक्ने बताइएको छ । उनी चारदिन नेपाल बस्ने छिन् । सो अवसरमा उपाध्यक्ष सुमारले एमसीसी परियोजना कार्यान्वयनको अवस्थाबारे विभिन्न पक्षहरुसँग कुराकानी गर्ने बताइएको छ । नेपालमा रहँदा उनले प्रधानमन्त्री शेरबहादुर देउवा, अर्थमन्त्री जनार्दन शर्मालगायत विभिन्न राजनीतिक दलका शीर्ष नेतासँग भेटघाट गर्नेछिन् । उनले एमसीसीमा रहेका भ्रम चिर्न प्रयास गर्नेछिन् ।