मनोरञ्जन

चाडबाड लक्षित सुपथ मूल्यका पसल आजबाट संचालनमा

काठमाडौं । नेपालीहरुका महान चाडपर्व नजिकिएसँगै सरकारले सुपथ मूल्यका पसल संचालनमा ल्याएको छ । दसैं, तिहार र छठ पर्वलाई लक्षित गरी सरकारले आजदेखि सरकारले सुपथ मूल्य पसल सञ्चालनमा ल्याएको हो । सुपथ मूल्य सपसमा चामल, सीमी, फापर, नुन, चिनीका साथै खसीबोका र दुग्धजन्य पदार्थ पनि बिक्रीमा राखिने भएको हो । उद्योग बाणिज्य तथा आपूर्ति मन्त्रालयका अनुसार सुपथ मूल्य पसलमा अन्य पसलभन्दा प्रतिकिलो ५ देखि १० रुपैयाँ सम्म सस्तोमा सामान किन्न पाइने भएको छ ।

देशभर ३९ स्थानमा यस्ता पसल संचालन गरिने छ । यो समय पेट्रोलियम पदार्थको आपूर्तिलाई पनि सहज बनाइने बताइएको छ । यसमा नेपाल आयल निगमले काम गर्नेछ । सुपथ मूल्यका पसल कात्तिक २४ गतेसम्मचल्ने छन् । चाडबाडमा महंगो हुने बजारमा सस्तो सामान आपूर्ति गर्न सरकारले हरेक वर्ष यस्तो पसल चलाउने गरेको छ ।