काठमाडौं । एएफसी महिला एसियन कप २०२२ को छनोटमा नेपाललाई फिलिपिन्सले हराएको छ । शुरुवाती अगैता जोगाउन नसकेको नेपाल २\१ गोलले हारेको हो । उज्वेकिस्तानमा शनिबार भएको समूह एफ को पहिलो खेलमा नेपाल पराजित भएको हो । खेलमा नेपालले पहिले अग्रता लिएपनि अन्तिममा सम्हालिन नसक्दा त्यसलाई जोगाउन सकेन । नेपालले ९० औं मिनेट र इन्जुरी टाइमको दोस्रो मिनेटमा गोल खायो ।

उज्वेकिस्तानको जेएआर स्टेडियममा भएको खेलमा विमला चौधरीले खेलको १० औं मिनेटमा गोल गर्दै नेपाललाई अग्रता दिइन । नेपालले ८९ मिनेटसम्म फिलिपिन्सलाई रोकेको थियो । तर, अन्तिम समयमा नेपाल सम्हालिन सकेन । फिलिपिन्सका लागि ९० औं मिनेटमा ताहनाई अनिशले बराबरी गोल फर्काइन् ।

पहिलो गोल गरेपछि फिलिपिन्सले एक मिनेटपछि नै अर्को गोल थप्यो । इन्जुरी टाइमको दोस्रो मिनेटमा कमिल्ला विल्सनले फिलिपिन्सको लागि विजयी गोल र्दा नेपाल निरास बन्यो । नेपालले अब समूह एफको अर्को खेल हङकङसंग असोज ५ गते खेल्नेछ । समूह विजेता बन्दै एसिया कपमा छनोट हुनेछ ।