काठमाडौं । ताप्लेजुङका भरतमणि पौडेल कमेडी च्याम्पियन सिजन २ घोषित भएका छन् । विक्की अग्रवाल र सन्तोष थापासहित फाइनल पुगेका उनले सर्वाधिक भोट पाएर विजेता बनेका हुन् । फाइनल शनिबार राति सम्पन्न भएको हो । पूर्वसञ्चारमन्त्री गोकुलप्रसाद बाँस्कोटा, पूर्व युवराज पारस शाह, घरबेटीजस्ता प्रस्तुतिका कारण उनी चर्चामा आएका थिए ।

पौडेलले कार र २५ लाख नगद जित्न सफल भए । उनी ताप्लेजुङका हुन् । उनलाई जिताउन विभिन्न अभियान नै चलाइएको थियो । रेडियो तमोरमा टेन्सन-फ्री कार्यक्रम चलाएका उनी सानैदेखि कमेडीमा रमाएका थिए । उनले भद्रगोल टेलिशृंखलामा अभिनय समेत गरेका छन् । भारत सिक्किमका विक्की अग्रवाल दोस्रो भए। उनले मोटरसाइकल जिते ।