समाचार

६० वर्षभन्दा माथिका जेष्ठ नागरिकलाई नेपाल टेलिकमको निःशुल्क सिम

काठमाडौं । नेपाल टेलिकमले शुक्रवारदेखि २५ असोजसम्म ६० वर्षमाथिका ज्येष्ठ नागरिकलाई सिम कार्ड निःशुल्क वितरण गर्ने भएको छ । संयुक्त राष्ट्र सङ्घको आयोजनामा विश्वव्यापी रूपमा अक्टोबर १ मा मनाइने अन्तर्राष्ट्रिय ज्येष्ठ नागरिक दिवसको अवसरमा नेपाल टेलिकमले देशभरका ज्येष्ठ नागरिकलाई सम्मान स्वरूप निःशुल्क सिम प्रदान गर्ने बताएको छ । सिम असोज १५ गतेदेखि २५ गतेसम्म ६० वर्षभन्दा माथिका नागरिकले निःशुल्क पाउने छन् ।

यो सिममा १० रुपैयाँ ब्यालेन्स हुनेछ । साथै, ४० मिनेट कुराकानी गर्नए र २० वटा सन्देश पठाउन सक्ने सुविधा दिइएको छ । साथै ६० एमबी डाटा समेत प्रयोग गर्न सकिनेछ । यो सुविधा एक महिनासम्म उपयोग गरिसक्नु पर्नेछ । निःशुल्क सिम कार्डका लागि लागि एक प्रति पासपोर्ट साइजको फोटो, परिचय र उमेर खुल्ने प्रमाणपत्र (नागरिकता प्रमाणपत्र, जेष्ठ नागरिकको परिचयपत्र) को प्रतिलिपि साथमा बोक्नु पर्ने भएको छ ।