समाचार

उद्योगमन्त्री हमालले राजिनामा दिने

काठमाडौं । आफ्नो मन्त्री पद नियुक्तीमा व्यापक विरोध भएपछि सरकारका नवनियुक्त उद्योग वाणिज्य तथा आपूर्ति मन्त्री गजेन्द्रबहादुर हमालले राजीनामा दिने घोषणा गरेका छन् । नेपाली संचारमाध्यमले उनी प्रधानन्यायाधीश चोलेन्द्र शमशेर जबराको कोटाबाट मन्त्री बनेको आरोप लगाएका थिए । यद्दपी नेताहरुले यसले खण्डन गर्दै आएको थिए । हमालले भने आइतबार प्रधानमन्त्री शेरबहादुर देउवालाई राजीनामा बुझाउने तयारी गरेको स्थानीय संचारमाध्यमले लेखेका छन् । आफुले स्वविवेक प्रयोग गरि राजिनामा दिन लागेको उनको भनाई छ । नाताले प्रधानन्यायाधीष जबराका जेठान पर्ने उनलेआफु विवादमा आउन नचाहेको समेत बताएका छन् ।