विश्व

अमेरिकी र चिनियाँ राष्ट्रपतिबीच भर्चुअल वार्ता, के भयो कुराकानी ?

REUTERS

काठमाडौं एजेन्सी । अमेरिकी राष्ट्रपति जो बाइडेन र चिनियाँ राष्ट्रपति शी जिनपिंगबीचको बहुप्रतिक्षित भर्चुअल वार्ता भएको छ । वार्तामा चिनियाँ राष्ट्रपतिले आफ्नो मुलुक अमेरिकासँगको सम्बन्ध सकारात्मक दिशमा लैजान चाहेको बताएको समाचार एजेन्सी रोयटर्सले उल्लेख गरेको छ । दुई नेताबीच भएको यो वार्ताले दुबै मुलुकबीचको संवादहिनता तोड्न महत्वपूर्ण भूमिका खेलेको समेत समाचारमा जनाइएको छ ।

बाइडेनले भने वार्तामा मानवाधिका र इन्डो प्यासिफिक क्षेत्रका मुद्दा उठाएका छन् । उता, चिनियाँ राष्ट्रपतिले दुबै देशले एक अर्काको सम्मान गर्नुपर्ने भन्दै द्धिपक्षी सम्बन्ध सुधारमा जोड दिएका हुन् । चिनियाँ राष्ट्रपतिले बाइडेन आफ्नो पुरानो मित्र भएको भन्दै यो वार्तामा जोडिन पाउँदा खुसी लागेको बताए दुबै नेता तेस्रो पटक वार्तामा बसेका हुन् । पछिल्ला दिनमा अमेरिका र चीनबीचको बढ्दो दूरीका बीच महत्वपूर्ण वार्तामा दुई मुलुकका राष्ट्रपति जुटेका हुन् ।