फिचर

एक महिना अगाडी दुबई पुगेका दुई जना दुई किलो सुनसहित विमानस्थलमा समातिए

File

काठमाडौं । प्रहरीले त्रिभुवन अन्तर्राष्ट्रिय विमानस्थलबाट शुक्रबार २ किलो सुनसहित दुई जनालाई पक्राउ गरेको छ । दुबइबाट अरु कसैले उनीहरुलाई भरिया बनाएर नेपाल पठाएको प्रहरीको आंशका छ । प्रारम्भीक बयानका आधारमा उनीहरुलाई भारतीय गिरोहले सुन बोकाएर नेपाल पठाएको हो । उनीहरु नेपाल एयरलाइन्सको जहाजमार्फत दुबइबाट काठमाडौं आएका हुन् ।

सिरहाका सरोज सहनी र दाङका सीताराम चौधरीको साथबाटछ २ किलो १ सय १६ ग्राम सुन भेटिएको हो । दुवैजना एक महिनाअघि मात्रै दुबइ गएको खुलेको छ । प्रहरीले उनीहरु कामका लागि नभई सुन ल्याउनकै लागि दुबइ गएको अनुमान गरेको छ ।

प्रहरीका अनुसार दुबइमा रहेको गिरोहले काठमाडौंस्थित विमानस्थलमा ओर्लिएर उनीहरुलाई पार्किङ क्षेत्रमा जान भनिएको थियो । तर, त्यस अगाडी नै उनीहरु प्रहरी नियन्त्रणमा आएका हुन् । प्रहरीलाई सुन भित्रदै गरेको गोप्य सूचना आएको बताइएको छ ।