फिचर

वृहत शान्ती सम्झौताको वर्षगाठमा अमेरिकाले भन्यो : नेपाललाई लोकतान्त्रिक मार्गमा अग्रसर बनाउने दिन

Photo : onlinekhabar

काठमाडौं । नेपालमा वृहत शान्ती सम्झौता भएको १५ वर्ष पुगेको छ । यस दिनको सम्झनामा आइतबार अमेरिकी दूतावासले ट्वीट गर्दै वृहत् शान्ति सम्झौता सवैधानिक भएको र यस सम्झौताले नेपाललाई लोकतान्त्रिक मार्गमा अग्रसर बनाएको उल्लेख गरेको छ । नेपालका शासक तथा राजनीतिक नेताले दशक लामो हिंसा अन्त्य गर्दै र नेपाललाई लोकतन्त्रको मार्गमा अग्रसर गराउँदै वृहत शान्ति सम्झौताका लागि एकजुट भएको दिनका रुपमा अमेरिकाले यो दिनलाई स्मरण गरेको छ ।

अमेरिकाले संवैधानिक, पारदर्शी र सबैसँगको छलफलपछि भएको शान्ति सम्झौता’मार्फत् नेपालमा मानव अधिकारको थप संरक्षण र सशक्त एवं उत्थानशील लोकतन्त्र निर्माणका लागि निरन्तर सहयोग गर्ने उल्लेख गरेको छ । मानव अधिकार रक्षा र सशक्त एवं मजबुत लोकतन्त्र निर्माणका लागि अमेरिकासहित नेपाल र अन्य मुलुकको यात्रामा सँधै सहयोग गर्ने प्रतिवद्धना समेत अमेरिकाको छ ।